അവസാന അഷ്ടപതിയും പാടി ഞാനിന്നെന്റെ
മനസ്സിന്റെ ശ്രീകോവില് അടയ്ക്കയാണ്.
ദേവീ; നീ കേട്ടതെന് ഇടക്കതന് നാദമല്ല
മിടിക്കുമെന് ഹൃദയത്തിന് താളമാണ്
ഒരുവേള ഞാനീ സോപാന നടകളില്
ഒരു പൂജാ പുഷ്പമായ് വീണടിയാം
ഇനിയുമൊരു ജന്മം നീയെനിക്കേകുക
ഇടറുമെന് കണ്ഠത്തില് നിറയുമെന് ഗീതം
ഇടറാതേ ഞാനൊന്നു പൂര്ണ്ണമാക്കാന്
ഗന്ധര്വനല്ല ഞാനെങ്കിലും നീയെനിക്കൊ-
രമ്പലപ്രാവിന്റെ ജന്മമേകൂ
ഇനിയും തുറക്കാത്ത കോവിലിന് മച്ചക-
ത്തിനിയുള്ള ജന്മം ഞാന് കാത്തിരിക്കാം
എന്നെങ്കിലും നിന് മിഴിതുറന്നെന്നെ നിന്
ആത്മാവിനോടോന്നു ചേര്ത്ത് വയ്ക്കൂ
അല്ലെങ്കില്, എന്നേ നിനക്ക് ഞാനേകിയ
എന്നത്മാവിനെ നീ തിരിച്ചു നല്കൂ
ആശംസകള്....... ബ്ലോഗില് പുതിയ പോസ്റ്റ്....... ഇതെല്ലാം കോപിയടിയോ ......? വായിക്കണേ...........
ReplyDeleteനന്ദി ജയരാജ്... പക്ഷേ ഞാന് പേടിച്ചു പോയി ....... "ഇതെല്ലാം കോപ്പിയടിയോ" എന്നത് എന്നോടുള്ള ചോദ്യമാണെന്നു....ഹ ഹ ഹ.... ഞാന് വായിച്ചു.... നന്നായിരിക്കുന്നു....
ReplyDelete