ഒരുമിച്ചു കൈകോര്ത്തു നാം പോയ വഴികളില്
ഏകനായ് ഞാനിന്നലയും നേരം
മൂകമീ ജീവിതയാത്രയില് ആത്മാവിന്
തേങ്ങലായ് നിന്നോര്മ്മ കൂടെയില്ലേ - ഒരു
നോവിന്റെ നിഴലായ് കൂടെയില്ലേ???
ഗ്രീഷ്മവും വര്ഷവും വന്നുപോയെങ്കിലും
വാസന്തമേ നീ വരാത്തതെന്തേ
സ്വപ്നങ്ങള് വാരി വിതറി നീ മറ്റൊരു
വേനല്കിനാവായ് മറഞ്ഞതെന്തേ???
ഏകാന്ത രാത്രിയില് ദൂരത്തു നിന്നുമെന്
ആത്മദുഖം സഖീ കേള്ക്കാറില്ലേ
രാവിന്റെ യാമത്തില് നോവിന്റെ തീരത്തു-
ന്നിന്നുമാഗാനം നീ കേള്ക്കാറില്ലേ
ഒരു രാക്കിളിപ്പാട്ടായ് നീ കേള്ക്കാറില്ലേ???
ചക്രവാളങ്ങള്ക്കുമപ്പുറത്തിന്നെന്റെ
ചിതയെരിയുന്നത് കാണുന്നില്ലേ
സാന്ധ്യമേഘങ്ങള് വന്നിന്നെന്റെ ഓര്മ്മയില്
തര്പ്പണം ചെയ്വത് കാണുന്നില്ലേ???
ഇന്നെന്റെ ഓര്മ്മയും ഗാനവും കാലമാം
കേവഞ്ചിയേറി മാഞ്ഞുവല്ലേ
നിന്നോര്മ്മയില് നിന്നും മറഞ്ഞുവല്ലേ???
No comments:
Post a Comment